Pantun Jawa / Parikan Part 4

Main wayang uwong kon dadi gareng
Amargo diarep arep lucune
Esuk esuk disuguhi telo goreng
Sedelo maneh metu wedang kopine

Esuk esuk mangan gethuk
Awan awan mangan bakwan
Yen pancen rasane ngantuk
Yo ra popo yen turu awan

Arep tuku bakwan malah entuke gedang rojo
Gedang seko Makasar asale seko Turki
Ojo turu pas awan kuwi mangsane podo kerjo
Mending dolan nang pasar sopo ngerti oleh rejeki 

Tempe opo tahu podo podo seko dele
Tuku kayu aren nggo mbakar jagung
Aku nyobo bakulan pete
Golek panggon anane bingung

Pacitane dimamah akhire malah dilepehake
Leh nglepehake bola bali mergo ora enak dipangan
Nembe wae tekan omah saiki mung kari ngantuke
Lebar adus seko kali acarane ra karuan

Sowan nang pak Jalal baline digawani pete
Petene digawe acar banjur diwadahi gelas
Nekani Halal Bihalal nang nggon balai Er Te
Acarane lancar rampunge jam setengah sewelas

Menyang pasar tuku duren
Tuku telu sing mentah siji
Halal bi halal mulih kewengen.
Ora biso mlebu mergo lawange dikunci

Maem kuwaci rasane koyo teri
Banjur dicuci ben enak rasane
Yen lawange dikunci lewat lawang mburi
Lawang mburi dikunci nginep nang tonggone 

Jam enem esuk metu sengrengene
Menyang warung tuku arem arem
Bener biso turu nang tanggane
Nanging ketap ketip ora biso merem

Ketemu karo koncone dijeki maem arem arem
Maem nang ngisor wit waru sebelahe wit gori
Turu nang tonggone pancen angel anggone merem
Pas lagi mapan turu malah ditemoni karo peri

Bahan nongko jenenge gori
Pakel mentah jenenge pelem
Rupane ayu jenenge peri
Yen arep diboncengi ojo gelem

Maem pelem karo lesehan nang kloso
Pelem manalagi seko Indramayu
Nek ora gelem kudu dipekso 
Karo ditaleni ben ora biso mlayu

Lungo nang Purworejo banjur nang kutho Bandung
Bablas nang kutho Solo numpake kereta api
Pas ora mangkat kerjo cuacane malah mendung
Enake nggodog telo karo ngombe wedang kopi

Sesuk sasi Agustus nonton perayaan kemedekaan
Sangune njaluk tambah gawe tuku gulali
Prei gawe status mergo ora duwe bahan gawe parikan
Apike tak umbah umbah mumpung banyune uwis mili

Madahi ransel nang njero peti
Ben ketok rapi koyo ransele artis
Awake kesel kudu njaluk dipijeti
Enake ngundang mbak Evi sing pijetane gratis

Naleni walang paling kuat nganggo kabel
Walang sing nyerang pari ugo seng nyerang kemangi
Ojo digawe sumelang nek mung kon bayar dobel 
Sesuk mesti tak bayari tapi enyong kadek diutangi 

Kolor sepatu rupane ireng
Klambi batik benike telu
Yen ora gelem mlaku bareng
Sing penting aku sido melu

Maem jangan gori pipine dadi kempot
Untune nganti ngelu mergo atos koyo wajan 
Ramang meri mengko ndak malah dadi repot
Wong nek melu mesti banjur jaluk jajan 

Jambu mateng dipangan codot
Bajing mlumpat nyolong klopo
Mung mlaku bareng wae ora repot
Senajan kesel ora dadi ngopo

Nyangklong ransel isine pacitan
Ransel seko Manila apek jahitane
Awake kesel kudu ndang pijetan
Pijetan nang mbak Tia mesti penak rasane

Ora mendung kok ono udan
Malah ben subur tandurane
Awak sayah apike pijetan
Tapi pekewuh karo bojone