Pntun Jawa / Parikan Part 10

Sakane ambruk kurang semen
Awak ngantuk mending leren

Tuku getuk nang pasar magelang.
Mripate ora ngantuk mergo ditinggal sing lanang

Yen ono kunang - kunang ojo digusah
Kuwi sejenis kewan sing ono lampune
Senajan ditinggal sing lanang ojo digawe susah 
Mergo ket mau awan wis dielus elus pupune 

Njikuk tales nang kuto Padang
Awake lemes mergo kakean bergadang

Getuk campur kemangi
Mripate ngantuk jebule wis mbengi

Ngaku wis ora edan neng ijih kumat - kumatan
Nek pas ndodok senengane sok ngawe - awe
Wayahe temurun udan enake golek anget angetan
Anane mung telo godok teko disyukuri wae

Nduwe duwit limangatus gawe tuku nongko
Tukune ing sasi bodho entuk bonus tempe gembus
Arep update status kok malah udane teko
Banjur ora sido samar statuse dadi klebus

Arep ngomong saru jarene kok ora entuk
Samar keno sawan sing wujute koyo buto
Wayahe mapan turu wong mripate uwis ngantuk
Mergo ket mau awan ora biso meremake moto

Nggawe kolak gedang gawe persiapan mengko buko
Kolake dilebokke nang teko didelehake nang ngisor lampu
Rekane arep madang malah bakule sego durung teko
Mending nglinting mbako sinambi karo ngelus - elus pupu

Nggoreng ayam kampung rasane koyo nongko
Diglebeti glepung nggoreng nggowo minyak telon

Acarane pas rampung udane malah teko
Tetep bali nang Temanggung ora ketungalon - alon

Yen lagi maem nongko ojo karo jempalikan
Ndak dadi momolo pungkasane dadi ora apik
Udane wis teko malah ora nduwe pacitan
Enake nggodok telo karo nggoreng tempe kripik

Nduwe duwit rongatus gawe tuku wedang kopi
Kopi seko kutho Medan rasane mesti nikmat
Arep nggawe status kok suasanane uwis sepi
Mesti gek do wiridan wong saiki malem Ju'mat

Rasane nikmat ngombe wedang kopi
Nek malem Jum'at mocone surat Al Kahfi

Awake dadi kuru mergo keracunan potas
Potas gawe ngracun boyo dikirone panganan
Saiki wayahe mapan turu wis kesel anggone pentas
Sesuk jatahe makaryo ben tangine ora krinan

Enake maem jenang yen maeme nganggo suru
Ditambah gorengan mesti nikmat rasane
Anak wedok karo anak lanang wis podo mapan turu
Sing ijih ketap ketip bapakne karo ibune

Maem gedang goreng rasane koyo nongko
Gedange dipangan jebule ono sing nduweni
Ngenteni sego goreng malah bakule ora teko
Wetenge uwis keroncongan wayahe njaluk di iseni

Mancing nang kali progo entuke iwak urang
Gek arek digowo bali malah digondol kucing
Enake jogo yen lagi cuacane rodo terang
Pas jatah patroli kathoke ora ndadak dicincing

Ono wong ngemis njaluk buah duren
Duren seko Tasik jarene enak banget
Udane gerimis ket mau durung leren
Enake turu gasik ben awake rodo anget

Ngobong larahan banjur digawe lemen
Larahan godong waru dilebokake urung - urung
Yen ora nduwe bahan mendingan ramang melu komen
Aluwung mapan turu karo krukupan sarung

Makani tekek nganggo godong pandan
Godonge cacahe siji malah direbut pegawe sipil 
Ramang ngekek ndak diarani rodo edan
Mending ngemut driji karo utik - utik upil 

Lungo nang Kranggan tuku piring selusin
Mampir nang kos - kosan karo njipuk taplak
Aku wegah rasan wong upile rasane asin
Yen kadung rasan marahi dadi koplak

Awake wis kuru ugo ora resik
Ben biso lemu kudu akeh mangane
Ojo mapan turu iki wayah ijih rodo gasik
Mendingan mertamu banjur nginep nang nggon tanggane