Pantun Jawa / Parikan Part 11

Duwe duit limangatus gawe tuku permen yuppi
Tukune nang negoro Londo entuke permen werno biru
Rekane arep update status tapi suasanane kok uwis sepi
Mending tak ora sido ndak diarani ora tau turu

Nggodog telo pendem diwenehi godong pandan
Godonge lengket mergo kecampuran lontong
Hawane dadi adem mergo nembe wae udan
Enake nganggo jaket banjur mlebu nang senthong

Aluwung meneng karo anteng
Tutuke mingkem ben ora monyong
Tiwas seneng telone uwis mateng 
Mandang dimaem jebulane telone ganyong

Njikuk telao diwadahi piring
Piringe lunyu telone numplek
Rupane uwis olo awake ugo gering
Ngakune ayu tapi ambune apek 

Lagi maem intip malah direbut karo kancane
Intip seko Gresik sak kulone Banyuwangi
Mripate ketap ketip dadi angel turune
Mergo turune gasik banjur nglilir tengah wengi

Mangan intip iwak'e lemuru
Godong klaras bungkus gula jawa
Mripate ketap ketip ra iso turu
Amargo bojone dinas nang luar kota

Nganggo kocomoto mung mripat sing sebelah
Yen arep noleh kudu karo muna muni
Bojone dines luar kuto ora dadi masalah
Ijih ono aku sing siap ngancani 

Ojo nggelar kloso ndak gawe omah ulo
Ulone mesti krasan wong nyaman panggonane

Aku asale seko ndeso sing pakanane seko telo
Yen peang pingin rasan enggalo ndang moro rene

Wetwnge gendut koyo wetenge sapi
Wetenge berem mergo korengan
Nyumet udud karo ngombe wedang kopi
Ben tambah porem karo ngemil gorengan

Ono wereng lagi numpak jaran
Jarane poni mlakune karo mingkem
Ono bayangan ireng nang mburi parkiran
Mandang diparani jebulane kucing ndekem

Lungo nang Lampung dikancane gareng palur
Terus nang medan nemoni sang pacar
Persiapane uwis rampung kari nunggu sedulur
Mugo - mugo ora udan acarane biso lancar

Duwe duit satus digowo rena - rene
Duit turahan bodho arep gawe tuku panganan
Rekane arep nyetatus malah gedisikan koncone
Banjur ora sido mergo durung duwe bahan

Ono wong edan lagi ngoyak ulo
Ulone mlayu nang dapur ireng wernane
Mumpung pas udan acarane nggoreng telo
Telone rodo mempur jelas enak rasane

Njangan pare enake dicampuri duren
Duren seko Thailand bentuke rodo bedo
Seko esuk tekan sore udane durung leren
Rekane arep dolan - dolan banjur ora sido

Tuku tares gawe ngecet bodem
Tarese werno biru dadine apik tenan
Udane deres hawane dadi adem
Enake gawe Turu ben sesuk ora krinan