Tuesday, October 10, 2017

Pantun Jawa / Parikan Part 9

Dikandani ora nganut malah senengane gawe perkoro
Wanine mung nang mburi yen ditakoni ora ngaku
Rasane cenat cenut mergo sikile lagi loro
Tapi perlu disyukuri ijih diparingi biso mloka mlaku

Angon sapi diumbar rena rene
Sapi seko Londo awake rodo kuru
Arep nggawe wedang kopi malah entek gulane
Banjur ora sido mending gawe turu


Neng nong neng gung 
Nganten cilik dengkule mentul
Dadi uwong ora usah bingung
Yen pancen bener memang betul


Lungo nang Bali acarane angon wedhus
Tekan lereng tengger pas wayah bengi
Bayune uwis mili banjur biso adus
Awake dadi seger ambune ugo wangi

Lungo nang pasar nggolek wedhus
Wedhuse ireng koyo angus
Ayo cepet lek ndang adus
Bene ambune ora prengus


Lungo nang Temanggung seko Kandangan
Nganggone revo mandeg nang sendang
Rasane mendung yen tak sawang - sawang
Jebul gelo tenan mergo podo - podo sayang
 


Nganggo klambi loreng seng wernane uwes elek
Klambi peninggalane Belanda pas jamane rekoso
Mripate diganjel cireng ben biso kuat melek
Cireng kirimane Ibu Aida sing daleme Jampiroso

Lagi angon sapi malah dioyak kethek
Ketheke kuru mergo mangan kemangi
Arep nggawe wedang kopi jebulane gulane entek
Mending gawe turu wong wayahe uwis bengi


Tuku gethuk nang kertosono
Bablas reng Bali karo tuku kaos jogger
Mripat ngantuk enggal diturokno
Utowo mimik kopi ben mripate seger
 


Sirahe kebak koreng ojo ditambani sianida
Mending digundul ben ketok rodo klimis
Yen arep tuku cireng moro wae nang tokone bu Ika
Pasar sebelah kidul sing ugo dodol sosis


Apek gedang kluthuk diwadahi nganggo ransel
Gedange dipangani luwak mergo ora tau dijogo
Mripate uwis ngantuk rasane koyo kesel
Wayahe nggletakake awak gawe mulihake tenogo

Mapan turu gasik sesuk tangine mruput
Tangi tangi ngombe limun karo maem opor
Ndangdutan ndisik ben ora kroso nglangut
Daripada ngalamun ndak digondol lampor

Ramang nggugu karo omongane tonggo
Ndak marai linu rasane ing njero dodo
Malem Minggu malah gejatah jogo
Rekane arep nganu dadi ora sido
Maem rendang nang pinggir progo 
Rendange ora enak mergo dicampuri gulo 
Arep pingin madang di tinggal lungo
Wetenge ora kepenak mergo kakean telo
 


Ngaduk aduk semen digawe soko
Sing ngaduk wong bisu dilemeki goni
Ora sido komen wong bojoku uwis teko
Ndak bojoku nesu sesuk ora dikeloni
 


Werno ijo wernane godong lontar
Godong ringin ugo ijo wernane
Sing durung mbojo ora entuk melu komentar
Ndak malah kepingin bingung pelampiasane
 

 
 
 

No comments:

Post a Comment