Pantun Jawa / Parikan Part 2

Rupane rodo olo raine ditutupi nganggo driji
Arep diwacakke montro malah bocahe banjur ndelik
Iki Ono Telo Cacahe Mung Kari Siji
Ben Biso Lotro Banjur Ditugel Cilik Cilik

Telo ditugel cilik cilik
Kurang manis ditambah gulo
Bloko wae ojo ndelik ndelik
Dadi menungso becik sing prasojo

Tatu nang nggares tampange dadi ora keren
Ben ora dadi memolo kudu kerep diulapi
Udane rodo deres kat mau ora leren leren
Enake goreng telo karo nggawe wedang kopi

Mergo udan deres lemahe dadi teles
Lemah teles cocoke tanduri bayem
Dadi menungso ojo gampang ngenes
Diupayani ben ati tetep ayem

Nandur kayu pines diselingi lombok rawit
Lomboke rodo olo mergo diserang pathek
Atine ngenes ora mergo ora duwe duwit
Tapi pas arep goreng telo jebulane telone entek

Entuk kiriman bakwan ambune rodo wangi
Bakwan cacahe siji turahane buto ijo
Yen arep sowan ojo ing wayah bengi
Mergo seng nduwe omah arep ngeloni anak lan bojo

Maem jangan gori karo lesehan nang kloso
Gorine kecampuran cuka dadi bongko
Iki ora arep mameri mung lagi ngudo roso
Nunggu kirimane bu Rika koq ora teko teko

Jaran kepang kesurupan mangan paku
Tambah ndadi tabuhi kempul
Sopo gelem teko nang omahku
Yen pancen gelem tak gorengke kimpul

Nggodig koro digawe lotek
Koro seko meduro rasane enak tenan
Tiwas moro kimpule entek
Mending ramang moro timbang kisinan

Tuku gude keliru koro
Kolonjono nggo pakan sapi,
Yen pancen gelem moro
Jebul kimpule mung turah siji

Pamite arek ngaji jebulane palah apek kuweni
Kuweni nggon koncone seng nang pinggir progo
Nek mung kari siji malah rikuh anggone nampani
Mending sampean rene mengko tak jipuke gon tonggo