Pantun Jawa / Parikan Part 1

  Maem kue kranjang kecampuran sego kuban
  Segone seko beras ketan dioleh-olehi seko pacar
  Ngaturaken Sugeng Enjang Soho Sugeng Ngayahi Kewajiban
  Mugi Paringi Kesehatan Pados Rejeki Saget Lancar

  Njagong nang ngarep pawon sinambi ngasah bendo
  Bendone gawe ngiris jadah karo gawe ngiris roti
  Iki Malem Jumat Kliwon Wulan Suro Sing Kaping Pindo
  Acarane Ijih Mujahaddah Nyadong Pangapuraning Gusti

  Wedang ronde gulo batu.
  Mangkat nonton mlaku ngalor
  Yen bengi ojo seneng metu
  Mengko biso digondol lampor

  Pingin ngrokok nglinting dewe
  Panen sayur didol nang pasar
  Senajan ora ono kancane
  Tak lakoni tirakat ngebyar

  Duwe duit selawe direbut kuntilanak
  Kuntilanake tak tuthuk banjur gelimpangan
  Tirakatan dewe kuwi malah luwih kepenak
  Pas mripate ngantuk mesti ora konangan

  Tuku bubur ora ono sendoke
  Ngango suru godong gedang
  Kolo kolo turu dewe
  Tangi tangi jebul wis padang

  Digondol wewe nganti tekan parakan
  Wewene nganggo anting njagong nang dipan 
  Yen turu dewe mesti dadi mung klisikan
  Turune glindang glinding koyo wong kesurupan

  Menyang pasar tuku payung motho.
  Kranjang mbako ojo di inciki
  Bapak bapak do tindak lan makaryo,
  Wigatine ngupoyo golek rejeki

  Suket teki wernane ijo
  Dipangan wedhus pendak dino bengi
  Golek rejeki gawe nafkahi anak bojo
  Ora sempat adus teko semprotan lengo wangi

  Klambi suwek bolong bolong
  Kupat lepet isine ketan
  Wayah makaryo ojo mung ndomblong
  Rejekine biso direbut setan

  Banyu segoro ojo digawe raup
  Raup nggowo lengo ben ketok klimis

  Mumpung malem suro ayo podo taqorrub
  Bareng ndedungo ngepasi malem kamis

  Sasi Suro lebar sasi Besar
  Methik godong sak pupuse
  Dadi menungso kudu sabar
  Yen pingin tentrem laku uripe

  Maem telo gabar ora enak rasane
  Maeme klemat klemet koyo maem gagang sate
  Kudu sing sabar lan njejeg lakune
  Ben paringi slamet mulyo dunyo akhirate